विराटनगर । चर्चित पत्रकार ब्रह्मदेव यादव विद्युतिय खबर पत्रिका चिरफार डटकम संचालन करए जारहल छथि ।
पुषक पहिल सप्ताहसँ यादव अपन न्यूज पोर्टल संचालनके तैयारी कएने छथि । विराट दरबार मिडिया प्रालि दर्ता करएनिहार यादव चिरफार डट कम न्यूज पोर्टल संचालन करए जारहल छथि । अपनाद्वारा संचालनके तैयारी कएलगेल चिरफार विराटनगरक समाचारके प्राथमिकतामें रखैत देश आ विदेशक समाचारके सेहो समेटत यादव बतौने छथि ।
सुनसरीके कोशी गाउँपालिका वडानम्बर २ के स्थायी बासिन्दा पत्रकार यादव विराटनगर १० में रहिक मोरङके कर्मस्थल बना लगभठ ३ दशक सँ पत्रकरिता करैत आएल छथि । २०५२ सालमें नेपाल पत्रकार महासंघके सदस्यता लेनिहार यादव तीन कार्यकाल मोरङ महासंघके निर्वाचित सदस्यके रुपमें भुमिका निर्वाह कचुकल छथि तथा एखनि दोसर कार्यकाल हेतु महासंघमें प्रदेश सदस्यके भुमिकामें छथि ।
२०५१ सालसँ पत्रकारिता करैत आएल यादव अहिसँ पहिने काठमाण्डूसँ प्रकाशित ‘परिस्थिति साप्ताहिक’ ‘रुपरेखा साप्ताहिक’ ‘विमर्श साप्ताहिक’ ‘नेपाली पत्र साप्ताहिक’ ‘जनभावना साप्ताहिक’ ‘प्रभातकालिन जनसत्ता दैनिक’ में पत्रकारिता कचुकल छथि ।
तहिना काठमाण्डूएके ‘जनसत्ता साप्ताहिक’ आ ईनरुवासँ प्रशारण होमएबला रेडियो ‘पोपुलर एफएम’ में सम्बाददाताके भुमिका निर्वाह करएने साथे विराटनगरसँ प्रकाशित होमएबला न्यू सृष्टि दैनिक लगायतक संचार गृहसबमें लम्बा समय धरि पत्रकारिता क चुकल छथि ।
