विराटनगर २४ मंसिर । विराटनगर महानगरपालिकाके मेयर नागेश कोईराला अपनाद्वारा उद्घाटन करएके तालिका रहल एकटा कार्यक्रममें निर्धारित समयसँ ४ घण्टा विलम्बसँ पहुँचल छथि ।
कार्यक्रमके प्रमुख अतिथिके रुपमें भोरमें १० बजेकेलेल आमन्त्रण कएलगेल मेयर कोईराला ओहि कार्यक्रममें दूपहरिया २ बजे पहुँचल छलथि । विराटनगर १५ में शनिदिन आयोजन कएलगेल सामाजिक बचत तथा ऋण सहकारी संस्था लिमिटेडके ११ म बार्षिक साधारण सभामें प्रमुख अतिथिके रुपमें बजाएलगेल मेयर कोईराला निर्धारित समयसँ ४ घण्टा देरीसँ पहुँचल छलथि ।
आयोजक समिति १० बजे कार्यक्रम शुरु कक १ बजे समापन करएके समय तालिका बनौने छल मुदा प्रमुख अतिथि कोईराला नै अएलापर आयोजक समिति समस्यामें परल छल । ओहि कार्यक्रममें सहकारीके शेयर सदस्य सहित सर्वसाधारण समेत कक ३ सौ सँ बेसी ब्यक्ती सहभागि भेल छल । समय तालिका अनुसार सहभागिसब कार्यक्रममें पहुँचल छल मुदा घण्टौ तक ईन्तजार कएलोपर मेयर कोईराला कार्यक्रममें नै अएलापर आयोजक समिति बाध्य भक उद्घाटन सत्रके रोकिक शुभकामना तथा सम्मान कार्यक्रमके सुचारु कएने छल ।
ओहि सहकारीके साधारण सभाके बीच एक दर्जन ब्यक्तीके मेयर कोईरालाके हातसँ सम्मान कराबएके तालिका रहलोपर मेयरके उपस्थिति नैभेलापर कार्यक्रमके बिशिष्ठ अतिथि नेपाली काँग्रेसके प्रदेश कोषाध्यक्ष राजेश गुप्ताके हातसँ सम्मान तथा पुरस्कार वितरण कराएलगेल छल । कार्यक्रम अवधिभरि आयोजक संस्थाके अध्यक्ष मित्रलाल गिरीले कतेको बेर मेयर कोईराला आ हुनक प्रेस सल्लाहकारसंग मोबाईल मार्फत सम्पर्क कएने छलथि ।
ओतेक कएलाके बादो २ बजे मात्र मेयरके टोली कार्यक्रम स्थल पहुँचल छल । ओहि समयधरि साधारण सभाके खुला सत्रके सम्पुर्ण कार्यक्रमसब समापन भचुकल छल । यद्यपि मेयर आबएके सुनिश्चित भेलापर आयोजक समिति सहभागिके ओझराबएलेल स्थानिय कलाकारसबके नृत्य प्रस्तुती शुरु कराक कार्यक्रमके नम्रएने छल ।
प्रमुख अतिथिसँ ब्यानर अनावरण कराक कार्यक्रम उद्घाटन करएके तालिका रहलोपर प्रमुख अतिथि समयपर नै अएलाके कारण औपचारिक कार्यक्रम अवधिभरि उज्जर कपडासँ झाँपल ब्यानर सोझा कार्यक्रम संचालन कएलगेल छल ।
कार्यक्रम स्थलमें मेयरके आगमन होबएसँ पहिनहि २ सौ सँ बेसी सहभागि दिक्क लागिक कार्यक्रम स्थल छोडिक बहराएल छल ।
मेयरके आगमन भेला पश्चात आयोजक समितिके सम्पुर्ण कार्यक्रमसब समापन भेल अवस्थामें संस्थाके ब्यानर अनावरण कक कार्यक्रमके उद्घाटन कएलगेल छल । ओकरबाद मेयर कोईरालाके हाथसँ संस्थाके कर्मचारीसबके सम्मान कराएलगेल छल । कार्यक्रमके सम्बोधन करैत मेयर कोईराला आन कार्यक्रमसबमे जाएके बाध्यता भेलाके कारण निर्र्धारित समयपर नै आबिसकल दाबी कएने छलथि । देरी भेलाके बिषयमें ओ आयोजक समिति आ सहभागिसंग क्षमायाचना सेहो कएने छलथि ।
शनिदिन भोरेसँ ओहि कार्यक्रममें आबएसँ पहिने धरि मेयर कोईराला विभिन्न चारिटा कार्यक्रममें सहभागि भेलनि मेयरके प्रेस सल्लाहकार मीनकुमार नवोदित जानकारी देनेछथि । मेयर कोईरालाके प्रमुख अतिथि बनाएलगेल जनता स्कुलमें आयोजित कार्यक्रममें आयोजक समितिद्वारा देरी कएलासँ सेड्युल गडबडाएल नवोदित दाबी कएने छथि ।
कार्यक्रमक प्रमुख अतिथि मेयर कोईराला निर्धारित समय सँ ४ घण्टा देरीसँ अएलाके कारण अपनासबके भारी तनाव झेलए परल आयोजक संस्थाके अध्यक्ष गिरी बतौनेछथि ।
