विराटनगर । थारु महिला सभा मोरङ विभिन्न क्षेत्रमें योगदान देनिहार समुदाय भितरके तीन दर्जन ब्यक्तीके सम्मान कएने अछि ।
सभाद्वारा आयोजन कएलगेल जितिया पर्व समारोह बिशेष कार्यक्रमकबीच विभिन्न क्षेत्रमें योगदान देनिहार ब्यक्तीके सम्मान कएलगेल अछि । कार्यक्रमकेबीच ग्रामथान गाउँपालिका अध्यक्ष जयप्रकाश थारु, बुढीगंगा गाउँपालिका उपाध्यक्ष अमृता गच्छदार आ समाजसेवी धिरेन्द्र चौधरी लगायतके सम्मान कएलगेल छल ।
सम्मानित ब्यक्तीत्वके कदर पत्र,गम्छा आ फुलमालास सम्मान कएलगेल थारु महिला सभा मोरङके अध्यक्ष जयमाला सर्दार जानकारी देनेछथि । कार्यक्रमके प्रमुख अतिथि थारु आयोगके सदस्य शान्ति मोदी,थारु कल्याणकारिणी सभाके केन्द्रीय उपाध्यक्ष कनुलाल चौधरी आ मोरङ अध्यक्ष प्रदीपकुमार भगत थारु सबगोटेके सम्मान कएलनि ।
ओहि अवसरमें बजैत प्राडा एवम् थारु संस्कृतिविद् दुर्गानन्द चौधरी जितिया थारु समुदायके विशिष्ठ पाबनि रहल बतौनेछलथि । सुर्य पुत्र जितवाहनके उपासना कक इ पाबनि तीन दिनधरि मनाबके प्रचलन रहल ओ बतौने छलथि । पाबनिके पहिल दिन नहाय खाय दोेसरदिन उपवास आ तेसरदिन पारण कएलापश्चात ई पाबनि समापन होबएके विधान रहल ओ जानकारी देलनि ।
सहभागि अन्य वक्ता थारु समुदायके संस्कृति,अधिकार आ शिक्षा लगायतक बिषयमें बजने छलथि । ओहि अवसरमें महिला कलाकारसब थारु भाषाके गीतमें नृत्य सेहो प्रस्तुत कएने छल । कार्यक्रममें सहभागि महिलासब नाचगान करैत मनोरंजन कएने छल तहिना अतिथि तथा सहभागिके थारु ब्यञ्जन खुआएलगेल छल ।
कार्यक्रममें थारु हेल्पिङ ह्याण्ड्सके उपाध्यक्ष राजेश चौधरी आ हौली परिवारके पुर्व सभापति सम्पतलाल चौधरी लगायतक सहभागिता छल ।
