कटहरी । कटहरी गाउँपालिकाको वडानम्बर ४ मा जनता समाजवादी पार्टी नेपालका उमेदवार प्यानलसहित निर्वाचित भएका छन ।
सो पार्टीबाट कटहरी ४ को वडाध्यक्षमा जिवनेश्वर यादव सहित वडासदस्यहरुको प्यानल निर्वाचित भएको हो । यादव ९८३ मत हासिलगर्दै वडाध्यक्षमा निर्वाचित हुनुभएको छ । उहाँका निकटतम प्रतिस्पर्धी माओबादी केन्द्रका विनोद सिंहले ८०१ मत हासिल गर्नुभयो ।
जसपा प्यानलको महिला सदस्यमा ८४६ मत सहित मन्जुदेवी साह,८१९ मत सहित मन्जुदेवी ऋषिदेव र खुला सदस्यहरुमा ८१९ मत सहित कैजुम शेख मियाँ तथा ७४१ मत सहित रामचन्द्र कामत विजयी भएका छन ।
यसअघि कटहरी ३ मा नेपाली काँग्रेसका जदुलाल कामत प्यानल सहित वडाध्यक्षमा निर्वाचित हुनुभएको थियो । यस्तै कटहरी २ को वडाध्यक्षमा नेकपा एमालेका सुरेन्द्रप्रसाद राजवंशी प्यानल सहित र कटहरी १ मा नेकपा एमालेकै हरिनारायण राजवंशी निर्वाचित भइसक्नु भएको छ ।
