विराटनगर १ चैत । विराटनगर १७ का युवा नेता अमजद आलम नेपाली काँग्रेसमा प्रवेश गर्नुभएको छ ।
यसअघि जनता समाजबादी पार्टी नेपालको १७ नम्बर वडा ईकाई समिति अध्यक्ष रहनुभएका अमजद काँग्रेसमा प्रवेश गर्नुभएको हो । नेपाली काँग्रेसका केन्द्रीय सदस्य अमृत अर्यालले मंगलबार आयोजित एउटा कार्यक्रमका बीच आलमलाई काँग्रेसमा प्रवेश गराउनुभयो । केहि समयअघि जनता समाजबादी पार्टी परित्याग गरेर नेपाली काँग्रेस प्रवेश गर्नुभएका युवा नेता फैयाज राइन र विराटनगर १५ का निर्वाचित वडाध्यक्ष असलम आलमको नेतृत्वमा अमजद काँग्रेस प्रवेश गर्नुभएको जनाइएको छ ।
डेढ दसकसम्म तत्कालिन मधेशी जनअधिकार फोरम र वर्तमान जनता समाजबादी पार्टीकालागि निरन्तर काम गर्दा समेत पार्टीले उचित सम्मान नदिएको अमजदले प्रतिक्रिया दिनुभएको छ ।
