विराटनगर १ चैत । विराटनगर १७ के युवा नेता अमजद आलम नेपाली काँग्रेसमें प्रवेश कएनेछथि ।
अहिस पहिने जनता समाजबादी पार्टी नेपालके १७ नम्बर वडा ईकाई समिति अध्यक्ष रहल अमजद काँग्रेसमें प्रवेश कएनेछथि । नेपाली काँग्रेसके केन्द्रीय सदस्य अमृत अर्याल मंगलदिन आयोजित एकटा कार्यक्रमक बीच आलमके काँग्रेसमें प्रवेश करएलनि । किछु समय पहिने जनता समाजबादी पार्टी परित्याग कक नेपाली काँग्रेसमें प्रवेश कएनिहार युवा नेता फैयाज राइन आ विराटनगर १५ के निर्वाचित वडाध्यक्ष असलम आलमके नेतृत्वमें अमजद काँग्रेस प्रवेश कएलनि बताओलगेल अछि ।
डेढ दसकधरि तत्कालिन मधेशी जनअधिकार फोरम आ वर्तमान जनता समाजबादी पार्टीके लेल निरन्तर काम कएलोपर पार्टीद्वारा उचित सम्मान नैभेटल अमजद प्रतिक्रिया देनेछथि ।
