विराटनगर १२ फागुन । नेपाल अग्रवाल यूवा मञ्च विराटनगरके आयोजनामें नवम् संस्करणके मारवाडी प्रिमियर लिग (एमपिएल) क्रिकेट प्रतियोगिता शूरु भेल अछि । बुधदिन भेल उद्घाटन खेलमें प्रिमियर–११ आ परर्शुराम वारियर्स विजयी भेल अछि ।
पहिल खेलमें प्रिमियर–११ म्याजिक स्ट्राइकर्सके ४६ रनसँ पराजित कएने अछि । टस हारिक ब्याटिङ कएनिहार प्रिमियर निर्धारित १० ओभरमें ८ विकेट गुमाक १ सौ १८ बनएलक । जाहिमें म्यान अफ द म्याच अमित अटल ४७ रन आ हरिष अग्रवाल २६ रनके योगदान देलनि । म्याजिकके रोहित अग्रवाल सर्वाधिक ३ विकेट लेलनि । जवाबमें १ सौ १९ रनके विजय लक्ष्य पछुआरहल म्याजिक निर्धारित ओभरमें ७ विकेट गुमाक ७२ रन मात्र जोडिसकल । जाहिमें सुभम अग्रवाल सर्वाधिक १९ रनके योगदान देलनि । प्रिमियरमें रोहित सावू सर्वाधिक ३ विकेट लेनेछलथि ।
दोसर खेलमें पर्शुराम वारियर्स सिएसवि–११ के ७ विकेटसँ पाराजित कएने अछि । टस जितक ब्याटिङ केनिहार सिएसवि–११ निर्धारित १० ओभरमें ८ विकेट गुमाक ७७ रन बनएलक । जाहिमें जय सोनी सर्वाधिक २४ रनके योगदान देनेछलथि । पर्शुरामके म्यान अफ द म्याच अरुण शर्मा २ विकेट लेनेछलथि । जवाबमें ७८ रनके लक्ष्य भेटल पर्शुराम ८ दशमलव २ बलमें ३ विकेट गुमाक लक्ष्य पार कएने छल । जाहिमें कुलदिप गौर २६ रन, विनोद शर्माले अविजित २० रन बनएलनि । सिएसविके सुमित सोनी, मनोज सोनी आ विकाश सोनी समान १–१ विकेट लेने छलथि ।
तेसर खेलमें प्रिमियर–११, हुलास–११ के १३ रनसँ पराजित कएने अछि । प्रिमियरके इ लगातार दोसर जित अछि । टस हारिक ब्याटिङ केनिहार प्रिमियर निर्धारित १० ओभरमें ७ विकेट गुमाक ८७ बनएलक । जाहिमें अमित अटल ३४ रन, केशव महेश्वरी १५ रनके योगदान देलनि । हुलासके अरियन्त वैध सर्वाधिक ४ विकेट लेनेछलथि । जवाबमें ८८ रनके विजयी लक्ष्य पछुआरहल हुलास निर्धारित ओभरमें ८ विकेट गुमाक ७४ रन मात्र हासिल कसकल । जाहिमें सुभम लुनिया १७, सिद्धार्थ सेठिया १७ रनके योगदान देलनि । प्रिमियरमें म्यान अफ द म्याच वेदान्त जाजु सर्वाधिक ४ विकेट लेने छलथि ।
अजुका पहिल खेल प्रिमियर–११ आ सिएसवि–११ , दोसर खेल हुलास ११ आ पर्शुराम वारियर्स तथा तेसर खेल सिएसवि–११ आ म्याजिक स्ट्राइकर्स विच प्रतिस्पर्धा होएत ।
