विराटनगर २३ असार । विराट मैथिल नाट्य कला परिषदके आयोजनामें विराटनगरमें बहुभाषिक कवि गोष्ठी सम्पन्न भेल अछि ।
विराटनगरके पोखरिया बिजयपुरस्थित ज्येष्ठ नागरीक हक हित संरक्षण मंच परिसरमे कवि गोष्ठी सम्पन्न भेल अछि । अखाढ २२ गते सम्पन्न भेल छैठम संस्करणक कवि गोष्ठीमें कवि जफर जमाली,शिवनारायण पण्डित ‘सिंगल’,प्रयाग न्यौपाने,भगवान झा,उमेश लुईटेल,प्रिन्स प्रमोद ढकाल आ सुर्यनारायण हास्दा कविचा वाचन कएने छलथि ।
कवि गोष्ठीक प्रमुख आतिथ्य आभा फाउण्डेशनक अध्यक्ष आभा अनुपमा ग्रहण कएने छलथि तथा कर्ण संजय मंच संचालन कएने छलथि । परिषद प्रत्येक मासक अन्तिम शनिदिन बहुभाषिक कवि गोष्ठी आयोजन करैत आएल विराट मैथिल नाट्य कला परिषदक अध्यक्ष डोमी कामत ‘ज्योती’ जानकारी देनेछथि ।
कवि गोष्ठीमें मैथिली साहित्य अभियान सह आयोजकके भुमिका निर्वाह करैत आएल अछि ।
