विराटनगर । मोरङके कार्यक्षेत्र बनाक सक्रिय पत्रकारिता करैत आएल विराटनगरके चर्चित यूवा पत्रकार सोनु दास सम्मानित भेल छथि ।
हुनका साना पाइला नामक समाजिक संस्था सम्मान कएने अछि । भ्रष्टाचार,अनियमितता आ सामाजिक क्षेत्रके प्राथमिकतामें राखिक पत्रकारिता करैत आएल दासके धनपाल थान गाउँपालिका क ७ नम्बर वडामें आयोजित एकटा कार्यक्रमकबीच सम्मान कएलगेल अछि ।
ओहिठामक रामधारी ऋषिदेव स्वयं जन बोनिहारी केनिहार मजदुर रहितो अपन समुदायक अति पिछडल बिद्यार्थीके साँझ–भोर निःशुल्क पढबैत आएल बातके दास अपन रिपोर्टिङके बिषय बनौने छलथि । अन्हार कोठलीमें सिमेन्टके बोरा बिछाक विद्यार्थी पढाएल जारहल बिषय दासद्वारा संचालित लाइभ न्यूज रफ्तार अनलाइन पोर्टलपर सार्वजनिक भेलापर शिक्षक रामधारी आ अध्यन करहल विद्यार्थीके सहयोग हेतु विभिन्न संघसंस्था सब आगु बढल छल ।
समाचार सार्वजनिक भेला पश्चात रोटरी क्लब अफ बिराटनगर विद्यार्थीकेलेल कार्पेट, शैक्षिक सामग्री, पोशाक, जुत्ता सहित खाद्यान्न सामग्री सहयोग कएने अछि तहिना शिक्षक रामधारीके लगनशिलता आ दयनिय अवस्था देखक क्लबके अध्यक्ष कबिन श्रेष्ठ एकटा साइकिल सेहो उपलब्ध करौने छलथि ।
ओम्हर नेपाल डेन्टल एसोसिएसन मोरङ, रोटरी क्लब अफ बिराटनगर सेन्ट्रल आ साना पाइलाके सहकार्यमे दन्त शिविर आयोजन कएलगेल छल । जाहिमें ओहि क्षेत्रक ६८ गोटे बालबालिकाके निशुल्क दन्त परीक्षण कएलगेल छल । सैह कार्यक्रमकबीच आयोजक संघसंस्थाके प्रतिनिधि पत्रकार दासके प्रशस्ती पत्र सहित सम्मान कएने छलथि ।
कार्यक्रममें साना पाइलाके अध्यक्ष सेहो रहल दन्त रोग विशेषज्ञ डा. मिरा आचार्य,वरिष्ठ दन्त रोग विशेषज्ञ डा.अभिषेक कुमार,नेपाल डेण्टल एसोसिएसन, मोरङक अध्यक्ष सेहो रहल डा. प्रेक्षा दलि आ रोटरी क्लब अफ बिराटनगर सेन्ट्रलके यसोदा खतिवडाके सेहो उपस्थिति छल ।
पत्रकार दास अहिसँ पहिने बिएफएम आ मकालु टेलिभिजनमें मैथिली तथा नेपाली भाषाके समाचार वाचनके काज सेहो कचुकल छथि ।
