कटहरी । मोरङके कटहरी गाउँपालिकाद्वारा बनाएलगेल सडक एकगोटे स्थानिय डोजर प्रयोग कक तोडिदेने अछि ।
कटहरी– २ आदर्श टोलके रिङरोड जोडएबला सडक बृहस्पतिदिन दिपक राठी नामक स्थानिय ब्यक्ती डोजर प्रयोग कक तोडिदेने अछि । कटहरीके आर्दश टोलमें रहल कुकुरपुल आगुके करिब २ सौ मिटर सडक राठीद्वारा डोजर प्रयोग कक तोडलगलापर ओहिक्षेत्रमें आवगमन ठप्प भेल अछि ।
उक्त सडक आर्दश टोल होइत कटहरी गाउँपालिका २ नं. वडा कार्यालय आगुके रिङरोडमें जोडाईत अछि । करिब दुवर्ष पहिने ओहि सडकके ट्रयाक खोललगेल छल । स्थानिय गौतमदास प्रधानके ६० प्रतिशत आ दिपक राठीके ४० प्रतिशत जमिनके बिचसँ उक्त सडक निकाललगेल छल ।
आर्थिक वर्ष २०७७-०७८ में गाउँपालिके ५ लाख लागतमें उक्त ग्राभेल सडकके निर्माण कएलगेल छल । एकदिसके जमिन मालिक रहल राठी सडक अपायक भेल कहैत मनमौजी ढंगसँ गाउँपालिकाद्वारा बनाएलगेल सडक तोडिदेलक गाउँपालिका जानकारी देने अछि ।
सडक तोडलापर कटहरी गाउँपालिकाके सुचनापर प्रहरी स्काइभेटर नियन्त्रणमें लेने अछि । सडक तोडनिहार बिरुद्ध प्रहरीमें उजुरी दक थप कारवाहीके प्रक्रिया आगु बढाएलजाएत कटहरी गाउँपालिकाके अध्यक्ष देवराज चौधरी बतौनेछथि ।
सडक टुटलापर आर्दश टोल आ वडा कार्यालय जोडएबला बाट बन्द भेल अछि । एखनि आर्दश टोलके बासिन्दा वडा कार्यालय जाएके अवस्थामें हाटखोला–रंगेली सडक भक घुमिक जाएके बाध्यता सृजना भेल स्थानिय बासिन्दा जानकारी देने अछि ।
