विराटनगर । सरकारी समाचार एजेन्सी राष्ट्रिय समाचार समिति (रासस) के अध्यक्षमें धर्मेन्द्र झा नियुक्त भेल छथि ।
सोमदिन बैसल मन्त्री परिषदके बैठक झा के अध्यक्षमें नियुक्त करएके निर्णय कएने अछि । अहिसँ पहिने झा २०६५ सँ २०६८ सालधरि नेपाल पत्रकार महासंघके केन्द्रीय अध्यक्ष सेहो भचुकल छथि । २०४४ सालमें जनकपुरसँ प्रकाशित होमएबला जन–आकांक्षा आ विदेह साप्ताहिक मार्फत पत्रकारिताके औपचारिक यात्रा शुरु केनिहार झा २०५२ सालसँ काठमाडौँ रहैत पत्रकारिता तथा लेखनमें निरन्तर सक्रिय छथि ।
हिमालय टाइम्स दैनिकके कार्यकारी सम्पादकधरिके भूमिका निर्वाह केनिहार झा अन्नपूर्ण पोस्ट दैनिकके समाचार सम्पादक तथा डेपुटी–एडिटरसहित हिमालय टेलिभिजन, नवविचार साप्ताहिक, नयाँ पाइला अनलाइन, विकास टाइम्स, अप्पन मिथिला, नेपाल प्रज्ञा प्रतिष्ठानके मैथिली प्रकाशन आङनके सम्पादकीय नेतृत्व कचुकल छथि ।
पत्रकारिता, सूचनाको हक, संघीयता, संवादलगायत विषयके प्रशिक्षक झाके पत्रकारिता तथा साहित्यिक विषयमें अनेको कृति प्रकाशित अछि । नेपाली तथा मैथिली साहित्यमें समान रूपमा कलम चलबैत आएल झाके साहित्यिक नाम धर्मेन्द्र विह्वल छन्हि ।
