देवानगञ्ज २८ चैत । नासा ईन्भेष्टमेन्ट प्रालि सुनसरीके देवानगञ्जमें अपन दोसर सेवा केन्द्र विस्तार कएने अछि ।
भब्य कार्यक्रमके आयोजना कक नासा देवानगंजमें अपन सेवा केन्द्र उद्घाटन कएने अछि । नेपाल स्टक एक्सचेञ्ज नेप्सेके पूर्व कार्यकारी अधिकृत चन्द्र सिंह साउत रबिदिन फित्ता काटिक नाशाके सुनसरीमें स्थापना कएलगेल दोसर सेवा केन्द्रके उदघाटन कएलनि ।
अहिसँ पहिने नाशा चैत २५ गते सुनसरी सदरमकाम इनरुवामें अपन पहिल सेवा केन्द्र उदघाटन कएलक नासा ईन्भेष्टमेन्ट प्रालिके प्रमुख अरबिन्द मेहता बतौनेछथि । विराटनगरके केन्द्र बनाक विभिन्न क्षेत्रमे सेवा दैत आएल नासा ईन्भेष्टमेन्ट प्रालि सुनसरीके दक्षिण सिमावर्ती क्षेत्रके सेवाग्राहीके सहजताहेतु देवानगञ्जमें अपन दोसर शाखा कार्यालय संचालनमें आनलक मेहता बतौलनि ।
आगामी दिनसबमें आन ठाममें सेहो थप शाखा कार्यालयसब संचालनके तैयारी रहल ओ जानकारी देनेछथि । कार्यक्रममें श्री कृष्ण माविके प्रधानाध्यापक उमेश प्रसाद मेहता, श्री मावि देवानगंजके पूर्व प्रधानाध्यापक रामेश्वर मेहता देवानगंज गाउँ पालिका वडा नम्बर २ के अध्यक्ष मज्लुम मिया, वडा नम्बर ७ के बद्रि प्रसाद यादव समाज सेवी किसुनदेव मेहता, अशोक मेहता, हरिनन्दन मेहता लगायतक उपस्थिति रहल छल ।
शाखा कार्यालय उदघाटनके अवसरमें बरिष्ठ गायक रामा मण्डल,गायकसब प्रवलदीप बिश्वाश ,नितिन गजुरेल ,प्रकाश अनुराग तथा आन कलाकारसब गायन तथा मनोरंजक कार्यक्रम प्रस्तुत कएने छलथि ।
