चैत २७ विराटनगर । सुप्रसिद्ध आ चर्चित गायक बिरेन्द्र झा श्रष्टा सर्जक सम्मानसँ अभिनन्दित भेल छथि ।
उपराष्ट्रपति नन्दबहादुर पुनके हाथसँ हुनका इ सम्मान प्रदान कएलगेल छन्हि । चैत २६ गते काठमाण्डूके टुँडिखेलमें आयोजित राष्ट्रिय लोक दोहरी महोत्सव कार्यक्रमकबीच उपराष्ट्रपति पुन झाके प्रशस्तिपत्र प्रदान करैत तथा दोसल्ला ओढाक सम्मान कएलनि ।
मैथिली लोकगीत तथा संगीतके उन्नयनमें झाके अभुतपुर्व योगदानके कदर करैत हुनक सम्मान कएलगेल आयोजक डिएआर मुभिज एण्ड फिल्मसके निर्देशक श्यामसुन्दर धिताल जानकारी देनेछथि । सप्तरीके भारदह निवासी झा विराटनगरमें रहिक संगीत साधना करैत आएल छथि ।
आयोजक संस्था टुँडिखेलमें चैत २६ सँ ३० गतेधरि ५ दिनक सांस्कृतिक मेला राष्ट्रिय लोक दोहरी महोत्सवक आयोजना कएने अछि ।
ओहि कार्यक्रमकबीच आन भाषाभाषिक लोक गायक तथा कलाकारसबके सेहो सम्मान कएलगेल छल ।
