विराटनगर २१ चैत । विराटनगर सरौचियास्थित बोरा राखिएको गोदाममा आगलागी भएको छ । विराटनगर ११ का राजेश साहको बोरा गोदाममा आगलागी भएको हो ।
साँझ ७ बजेतिर लागेको आगो नियन्त्रणमा लिने प्रयास भइरहेको छ । विराटनगर महानगरपालिका र दुहबीबाट आएको दमकल र स्थानियवासीले आगो निभाउने प्रयास गरिरहेको विराटनगर ११ का प्रत्यक्षदर्शी गणेश साहले जानकारी दिनुभयो ।
आगलागी स्थलमा जिल्ला प्रहरी,सिआरभी र स्थानियवासी आगो नियन्त्रणमा खटिएको उहाँले बताउनुभयो । आगलागीको कारण हालसम्म खुल्न सकेको छैन भने क्षतिको विवरण समेत आउन बांकी छ ।
