विराटनगर २१ चैत । मोरङमें भेल म्यादी प्रहरीके लिखित परीक्षामें ४ हजार ४ सौ १ गोटे परीक्षार्थी उतीर्ण भेल अछि ।
परीक्षाफल प्रकाशित भेलापर सोमके भोरेसँ परीक्षार्थीसब नतिजा देखएलेल जिल्ला प्रहरी कार्यालय पहुँचल छल । चैत १९ गते शहिद रंगशालामें म्यादी प्रहरीकेलेल लिखित परीक्षा भेल छल । मोरङसँ ६ हजार ३ सय ६९ गोटे परीक्षामें सहभागी भेलामें ४ हजार ४ सौ १ गोटे लिखित परीक्षामें उतीर्ण भेल अछि ।
लिखितमें पास भेल विद्यार्थीसबके मंगलके अन्तर्वाता होएत बताएलगेल अछि । बैशाख ३० गते होबएबला निर्वाचनहेतु मोरङमें आवश्यक म्यादी प्रहरीसबहक स्वीकृत दरबन्दी ३ हजार १ सौ २४ गोटे रहल अछि । यद्यपि ओहिसँ तिनगुन्ना अर्थात १० हजार १ सौ ९४ गोटे म्यादी प्रहरीकलेल आवेदन देने छल ।
ताहिमध्य ६ हजार ३ सौ ६९ गोटे शारिरीक स्वास्थय परीक्षणके प्रक्रिया पार कक छनौट भेल छल । म्यादी प्रहरीकलेल छनौट भेलसबके चैत २८ गतेसँ १० दिनक प्रशिक्षण प्रदान कएलजाएत जिल्ला प्रहरी कार्यालय मोरङ जानकारी देने अछि ।
