विराटनगर ११ चैत । अम्बे मुरारी सेवा केन्द्र मैथिल संचारकर्मी संघके सदस्य तथा मकालु टेलिभिजनके संवाददाता उषा सरदारसहित विभिन्न क्षेत्रमें योगदान देनिहार महिलासबके सम्मान कएने अछि ।
११२ म अन्तर्राष्ट्रिय नारी दिवशके अवसरमें केन्द्र संवाददाता सरदारसहित ८ गोटे महिलाके सम्मान कएने अछि । विराटनगरमें बृहस्पतिदिन आयोजित कार्यक्रममें १० हजार ५५ रुपैया नगद राशि सहित संस्था सरदारके सम्मान कएने अछि ।
कार्यक्रममें शिक्षासेवी डा. मीनाक्षी नेपाल, एवीसी नेपालके अध्यक्ष विष्णु शर्मा, कवि एवं पत्रकार मीनकुमार नवोदित, केन्द्रके संस्थापक अध्यक्ष भारती उपाध्याय लगायतक ब्यक्तीसब दोसल्ला,कदरपत्र आ नगद सहित सरदारके सम्मान कएने छलथि । सरदार मैथिल संचारकर्मी संघक सदस्यके साथे नेपाल पत्रकार महासंघ मोरङके निर्वाचित सदस्य सेहो छथि ।
सैह कार्यक्रममें समाजसेवाके क्षेत्रमें मिना जोशी, अधिवक्ता मिना गिरि, उद्यमी सुनिता छाराहाङ, योग बिधामें कुमारी तामाङ, साहित्यकार ममता मृदुल, स्वास्थ्य स्वयम् सेविका शकुन्तला शाह, परिचारिका सोनु सुवेदीके सेहो सम्मान कएलगेल छल ।
अम्बे मुरारी सेवा केन्द्र विभिन्न सामाजिक कार्य करैत आएल अछि ।
