विराटनगर ३ चैत । होली पर्वके अवसरमें विराटनगर राउण्ड टेबल नम्बर ५ विराटनगरमें कलर वाल्काथोन कार्यक्रम आयोजना कएने अछि ।
राउण्ड टेबल, नेपाली चलचित्रके सुप्रसिद्ध अभिनेता भुवन केसीके प्रमुख आतिथ्यमें वाल्काथोन कार्यक्रम आयोजना कएने अछि । स्थानिय अतिथि सदनमें आयोजना कएलगेल कार्यक्रमकबीच होलीके शुभकामना दैत अभिनेता केसी इ होली नेपालसहित विश्वमें सुखशान्ति आनत बातक विश्वास ब्यक्त कएने छलथि ।
बिगत दू बर्ष कोरोनाके तीब्र संक्रमणके कारण त्राशमय रहलासँ अहिबेरके होली सुखद सन्देश लक आएल बतौने छलथि । ओहि अवसरमा बजैत मोरङके प्रमुख जिल्ला अधिकारी काशीराज दाहाल होली मनबैतकाल वातावरणप्रति सेहो ध्यान देब बिषयमें जोड देनेछलथि । प्रमुख जिल्ला अधिकारी दाहाल गन्दगी हटाबलेल प्रत्यके सप्ताहके शुक्रदिन एक घण्टा विराटनगरके फोहोर संकलन आ व्यवस्थापन करके कार्यक्रम राखलगेल कहैत नगरवासीसँग सहयोगक अपिल कएने छलथि ।
कार्यक्रमकबीच अभिनेता केसी स्थानिय युवा तथा आयोजक संस्थाके पदाधिकारीसबसंग अबिर खेलैत होलीके शुभकामना आदान प्रदान कएने छलथि । अतिथि सदनमें भेल कार्यक्रम पश्चात आयोजक संस्था आ युवासबहक हुजुम अबिर खेलैत नगरक्षेत्रके परिक्रमा कएने छल ।
