कटहरी । कटहरी गाउँपालिका वडानम्बर २ के वडा ईकाई पदपर नेकपा एमालेके प्यानल विजयी भेल अछि ।
नेकपा एमालेके सुरेन्द्रप्रसाद राजवंशी ९६६ मत सहित वडानम्बर २ के वडाध्यक्ष पदपर निर्वाचित भेल छथि । हुनक निकटतम प्रतिस्पर्धि नेपाली काँग्रेसके जयप्रकाश पासवान ८१९ मत प्राप्त कएलनि ।
तहिना सदस्य पदपर खुला सदस्यमें एमालेके ब्रम्हदेव पासवान,अमित चौहान,महिला सदस्यमें मंजुदेवी राजवंशी आ दलित महिला सदस्यमें शोभा चौधरी निर्वाचित भेल कटहरीके निर्वाचन अधिकृत होमनाथ भट्राई जानकारी देनेछथि ।
कटहरी वडानम्बर २ सहितके ६०५४ मत गन्लापर १७८ मत बदर भेल बताओलगेल अछि । सदर ५८७६ मत मध्य गाउँपालिकाके अध्यक्ष, उपाध्यक्षमें नेपाली काँग्रेसके अध्यक्ष पदके उम्मेदवार देवराज चौधरी २३७७ मत सहित अग्र स्थानमें छथि ।
हुनका नेकपा एमालेके अध्यक्ष पदके उम्मेदवार सुभाषकुमार सरदार १३५३ मत सहित पछुआरहल छथि । तहिना उपाध्यक्षमें १८६८ मत सहित नेपाली काँग्रेसके मन्जिताकुमारी सरदार अग्रस्थानमें आ हुनका नेकपा एमालेके सितादेवी राजवंशी १७०८ मतसहित पछुआरहल छथि ।
ओहि गाउँपालिकाके नेकपा माओबादी केन्द्रके अध्यक्षके उम्मेदवार किशोर कुमार पाण्डे ९८५,उपाध्यक्ष पुजनदेवी सरदार ८९४,जसपाके अध्यक्षका उम्मेदवार मृत्यूञ्जय कुमार झा २३७ आ उपाध्यक्ष सविता कुमारी दास २५१ मत प्राप्त कएनेछथि ।
