विराटनगर । विराटनगर १३ का युवा अभियन्ता फिरोज साहलाई मिल्स भेट्रान क्लबले सम्मान गरेको छ ।
क्लबले आयोजना गरेको प्रदेशस्तरिय प्रथम मिल्स भेट्रान गोल्डकप फुटबल प्रतियोगिता कार्यक्रमकाबीच सम्मान गरेको हो । पहिलोपटक आयोजना गरिएको मिल्स भेट्रान गोल्डकप आयोजनामा उल्लेखनिय योगदानको कदरगर्दै साहलाई सम्मान गरिएको आयोजक समितिका खेल संयोजक मनोज खड्काले बताउनुभयो ।
साहलाई प्रशंसा पत्र,खादा र फुलमाला सहित सम्मान गरिएको हो । क्लबका अध्यक्ष इन्द्रराज थापा,खेल संयोजक खड्का र कार्यक्रमका प्रमुख अतिथि राजकुमार यादवले साहलाई सम्मान गर्नुभयो ।
सामाजिक र राजनीतिक क्षेत्रमा सक्रिय रहँदै आएका साहले स्थानियस्तरमा आयोजना हुने धार्मिक,सांस्कृतिक र सामाजिक कार्यहरुमा सहयोग गर्दै आएका छन ।
युवा नेता समेत रहेका साहले आउदो मंसिर ४ को निर्वाचनमा मोरङ क्षेत्रनम्बर ५ बाट संघीय सांसद पदकालागि स्वतन्त्र उम्मेद्वारी दिने घोषणा गरिसकेका छन ।
