विराटनगर । जनता समाजबादी पार्टी नेपाल शहिद परिवारसंग दियाबातीके शुभकामना आदानप्रदान कएने अछि ।
उक्त पार्टीके जिल्ला कार्यसमिति विभिन्न चरणके आन्दोलनमें मोरङस शहादत प्राप्त केनिहार शहिद परिवारके घरघर पहुँचक दियाबातीके शुभकामना आदानप्रदान कएने अछि । जसपा नेपालक जिल्ला अध्यक्ष राजकुमार यादव, पार्टीके नेता मन्तलाल यादव,सदिना शेख तथा दिनेश यादव लगायतक नेतासब शहिद परिवारके घरघर जाक शुभकामना आदानप्रदान कएने छथि ।
ओहि क्रममें जसपाके जिल्ला कार्यसमितिके पदाधिकारीसब विराटनगर १७ सँ २०६२-६३ के आन्दोलनमें शहादत प्राप्त केनिहार शहिद बेचन मियाँ सैह वडाके शहिद सदानन्द यादव आ विराटनगर १४ बैरबनाके शहिद रामकुमार कामत यादवके घर जाक शहिद परिवारसंग शुभकामना आदान प्रदान कएने छल ।
तहिना कटहरीके शहिद निर्मल राजवंशी आ पोखरियाके शहिद दिनदयाल मण्डलके घरमें पहुँच जसपाके नेता तथा कार्यकर्ता शुभकामना आदानप्रदान कएने छल । जसपा मोरङ दियाबातीके अवसरमें प्रत्येकबर्ष शहिद परिवारके घरघर जाक शुभकामना आदानप्रदान करैत आएल जसपा नेता मन्तलाल यादव बतौनेछथि ।
शहिद परिवारके सुखदुखमें पार्टीके साथ सहयोग रहल अनुभुति कराबएलेल प्रत्येकबर्ष अहिप्रकारके कार्यक्रम करैत आएल जसपाके मोरङ अध्यक्ष राजकुमार यादव बतौनेछथि । विभिन्न चरणके आन्दोलनमें मोरङस ९ गोटे ब्यक्ती शहादत प्राप्त कएने अछि ।
जाहिमध्य २०६२-०३ के आन्दोलनमें ६ गोटे आ २०७२-७३ के आन्दोलनमें ३ गोटे शहादत प्राप्त कएलक जसपा मोरङ जानकारी देने अछि ।
