कटहरी । मोरङको कटहरी गाउँपालिका– ३ नं. वडा कार्यालयको नवनिर्मित भवनको उद्घाटन सम्पन्न भएको छ ।
गाउँपालिका अध्यक्ष देवराज चौधरीले बुधबार एक कार्यक्रमकाबीच वडा कार्यालय भवनको उद्घाटन गर्नुभयो । निर्माण सुरू भएको सात महिनामा भवन निर्माणको काम पुरा भएको कटहरी – ३ का वडाअध्यक्ष जदुलाल कामतले बताउनुभयो । डेढ कठ्ठा क्षेत्रफलमा ८५ लाख रुपैयाँको लागतमा वडा कार्यालयको भवन निर्माण भएको उहाँले बताउनुभयो ।
नवनिर्मित भवनको उद्घाटनगर्दै गाउँपालिका अध्यक्ष चौधरीले नयाँ भवनबाट सेवाग्राहीलाई सेवा प्रवाहगर्न सहज हुने विश्वास ब्यक्त गर्नुभयो । वडाअध्यक्ष कामतले यसअघि साँघुरो भवनबाट कष्टपुर्ण तरीकाले सेवा प्रवाह गनुपर्ने अवस्थाको अन्त्य भएकोे बताउनुभयो ।
सुविधा सम्पन्न वडा कार्यालयको निर्माण भएपछि सेवालिन आउने सेवाग्राहीलाई समेत सहज हुने उहाँले बताउनुभयो । नवनिर्मित भवनमा तीन वटा कोठा, एउटा सभाहल सहित शौचालय निर्माण गरिएको छ । तीनजनाल स्थानियले दान दिएको जग्गामा वडा कार्यालय निर्माण गरिएको हो ।
कार्यक्रममा गाउँपालिकाका उपप्रमुख सितादेवी राजवंशी,प्रमुख प्रशासकिय अधिकृत रोहिणी आचार्य, विभिन्न वडाका वडाध्यक्षहरु सहित स्थानियवासीको सहभागिता थियो ।
