कटहरी । कटहरी गाउँपालिकाके हालतक (मंगलदिन) धरि घोषित मत परिणाम अनुसार नेकपा एमालेके उम्मेदवारसब तीनटा वडामें प्यानलसहित कक चारिटा वडामें जीत सुनिश्चित कचुकल अछि ।
कटहरी ५ में नेकपा एमालेके सम्पतलाल सरदार प्यानल सहित निर्वाचित भेल छथि । ओ ७२४ मत हासिल कएनेछथि । अहि वडामें हुनक निकटतम प्रतिस्पर्धी माओबादी केन्द्रके बिरबुद्ध मुडियारी ६३१ मत हासिल कएलनि ।
ओहि वडामें एमालेके प्यानलसँ सदस्यतदिस ७४५ मत सहित किनुलाल झाँगड ६९३ मत सहित दिपेन सरदार, ७३९ मत सहित शोसिलादेवी राय महिला सदस्य तथा ७२२ मत सहित गहनीकुमारी सरदार दलित महिला सदस्यमें निर्वाचित भेलछथि ।
तहिना ताजा मत परिणाम अनुसार कटहरी ६ में विसो सरदार प्यानल सहित निर्वाचित भेलछथि । सरदार ९४६ मतसहित निर्वाचित भेलछथि । हुनक निकटतम प्रतिस्पर्धी नेपाली काँग्रेसके बलराम सरदार ८४१ मत प्राप्त कएलनि ।
ओहि वडामें नेकपा एमालेके प्यानलमें श्यामलाल सरदार आ राजकुमार देव क्रमशः ८८०,८०१ मत सहित निर्वाचित भेलछथि । तहिना ९६७ मतसहित महिला सदस्यमें रमादेवी राजवंशी आ ९५८ मत सहित ममतादेवी सरदार दलित महिला सदस्यमें निर्वाचित भेलछथि ।
अहिसँ पहिने कटहरीके वडानम्बर १ में नेकपा एमालेके हरिनारायण राजवंशी ९६० मत सहित आ कटहरी २ में सुरेन्द्रप्रसाद राजवंशी ९६६ मत प्राप्तकक प्यानल सहित निर्वाचित भचुकल छथि । कटहरीके अन्तिम ७ नम्बर वडाके मतगणना जारी रहल बताओलगेल अछि ।
